Wezi wa vyuma Lurambi kaunti ya Kakamega vyuma vyao vi motoni

Vijana  wanaojihusisha  na  wizi  wa  vyuma  kwenye  daraja  eneobunge  la  Lurambi  vyuma  vyao  vi  motoni  baada  ya  mbunge  wa  eneo  hilo  askofu  Titus  Khamala   kusema  wataanzisha  msako  mkali  kwa  ushirikiano na  idara  ya  usalama   ili  kuwatia  mbaroni   wahalifu…

Kupitia  kwa  mwakilishi  wake  Daniel  Kadenge   akiwahutubia  waombolezaji  katika   hafla  ya  mazishi   maeneo  ya  Shikhambi  wadi  ya  Sheywe ,  askofu  Khamala  anasema  vijna  wengi  kutoka  wadi  za  Shirere,Sheywe  na  Mayakalo  haswa  mitaa  ya   Shikhambi,Amalemba  na  Jua  Kali   wanaojishuhusisha   na  wizi  wa  vyuma  kwenye  daraja   katika  eneobunge  hilo  kando  na  kuwaangaisha  wakazi  nyakati  za  usiku  wamewekewa  mtego  na  lazima  utawanasa

Mbunge  huyo  aidha  ameihakikishia  shule  ya  msingi  ya  Nabongo  na  ile  ya  Maraba  madarasa  mengine  jinsi  alivyofanya  katika  shule  zingine  kama  njia  mojawapo  ya  kuinua   hathi  ya  masomo  eneobunge  lake  kwa  kuwapa  wanafunzi  na  walimu  mazingira  mazuri  ya  kusomea

Kwa  upande  wake  Gilbert  Alushula  mmoja  wa  wanasiasa  aliyekuwa  miongoni  mwa  waombolezaji, amesikitikia  hatua  ya  serikali  kutishia  kuwashika  wazazi  ambao  wanao  hawajajiunga  na   kidato  cha  kwanza  akidai  wengi  wa  wazazi  wamesalia  katika  njia  panda  baada  ya  kukabwa  koo  na lindi  la   umasikini.

By Lindah Adhiambo