Charles Oduor 
Viongozi wa kisiasa kutoka eneo la Magharibi mwa nchi wamehimizwa kuweka tofauti zao kando za kisiasa na badala yake kuongea kwa sauti moja na kushirikiana kikamilifu iwapo wanatarajia kutwaa uongozi wa taifa hili kwenye uchaguzi mkuu ujao.
Akihutubu kwenye hafla ya mazishi eneo la Kolani eneobunge la Sirisia mwakilishi wa kike kaunti ya Trasnzoia Bi Janet Nangabo amesema migawanyiko miongoni mwa wanasiasa wa jamii ya mulembe huenda ukawanyima fursa ya kuongoza taifa hili baada ya uchaguzi mkuu ujao.
Aidha Bi Nangabo amependekeza kubuniwa chama kimoja cha kisiasa eneo la Magharibi ili kusitisha migawanyiko inayoshuhudiwa kwa sasa.
Amewataka wazazi kuwekeza kwenye elimu ya wanao ambayo amesema itawafaidi pakubwa siku za usoni.
Naye mwanaharakati wa kisiasa kaunti ya Bungoma Moses Waliaula akitaka kuwepo mazungomzo kati ya gavana wa kaunti hii Wycliffe Wangamati na wawakilishi wadi ili kusitisha malumbano ya kila mara.
By Hillary Karungani
