Charles Oduor 
Huku waumini wa kanisa la kikatoliki wakiendelea kuomboleza Fr Christopher Wanyonyi aliyekuwa akisimamia kanisa la Kathedrali la Christ The King Bungoma wa hivi punde kumminia sifa ni mjumbe wa Kanduyi Atanasi Wafula Wamunyinyi.
Kwenye ujumbe wake kwa wanahabari Wamunyinyi amemtaja Fr Wanyonyi kama kiongizi jasiri wa kiroho ambaye alijitolea kubadilisha maisha ya wengi sio kupitia kwa mahubiri tu bali pia kupitia kwa misaada ya moja kwa moja.
Mjumbe huyo aidha amesema kuwa atamkumbuka zaidi Fr Wanyonyi katika juhudi zake za kuwapatanisha viongozi wa kisiasa kaunti ya Bungoma na ukanda huu wa Magharibi kwa ujumla huku akisema kuwa pengo aliloliacha Fr Wanyonyi litakuwa ngumu kuzibika.
Wakati uo huo mjumbe huyo ametumia fursa hiyo kutoa risala za rambi rambi kwa jamii ya mwenda zake Fr Wanyonyi na jamii pana ya kanisa la kikatoliki kwa kumpoteza kiongozi shupavu na mjapa kazi huku akiwahakikishia kuwa pamoja nao haswaa msimu huu wa majonzi..
Mwenda zake Fr Wanyonyi alitupa mkono wa buriani usiku wa kuamkia jumatatu wiki hii katika hospitali ya Rufaa Eldoret akiwa kwenye mashine ya ICU akiyapokea matibabu.
Fr Wanyonyi ameishi duniani takribani miaka 63 huku akikumbukwa sana kwa kujenga Kathedaral ambaye ni miongoni mwa Kadhedrali kubwa nchini iliyo karimu takribani shilingi millioni mia moja.
Fr Wanyonyi anatarajiwa kuzikwa katika makaazi takatifu ya wafu katika eneo ya kibabii eneo bunge ya kanduyi, kaunti ya bungoma
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Mungu ailaze roho yake mahala pema Mbinguni
